Gwobrau Prentisiathau 2024

Mae Alice Evans wedi cael effaith gadarnhaol ers iddi ymuno â’r tîm gwirio yn Heddlu Gogledd Cymru a chwblhau Prentisiaeth Sylfaen mewn Gweinyddu Busnes naw mis yn fuan.

Dechreuodd yn ei swydd yn gwybod dim am blismona, am safonau proffesiynol na gwirio, a chydag ystod cyfyngedig o sgiliau, ond mae’r cynnydd y mae hi wedi ei wneud wedi’i ddisgrifio fel “rhyfeddol”.

Dyfeisiodd Alice welliannau effeithlonrwydd o fewn rôl ei swydd a chynnal ymchwil i ymgysylltiad yr heddlu gyda phobl ifanc, tra hefyd yn cael profiad mewn gwahanol adrannau.

Trwy gwblhau’r brentisiaeth a’r cyrsiau i uwchsgilio ei hun a gwneud gwaith prosiect, mae wedi cael effaith gadarnhaol yn Heddlu Gogledd Cymru.

Roedd cwblhau ei Phrentisiaeth Sylfaen mewn Gweinyddu Busnes wyth mis yn gynt na’r disgwyl wedi helpu Lina Darras i gael dyrchafiad gyda Bwrdd Iechyd Prifysgol Betsi Cadwaladr.

Wedi ei chyflogi’n wreiddiol fel prentis anableddau dysgu, mae Lina’n ysgrifennydd i dîm Cymunedol Conwy erbyn hyn ac wedi symud ymlaen i Brentisiaeth mewn Gweinyddu Busnes.

Mae’n siaradwr Arabeg brodorol, gall siarad Ffrangeg a Saesneg yn rhugl, a cafodd ei disgrifio gan ei haseswr fel “dysgwr gwych” sy’n cwblhau ei gwaith o flaen ei amser ac i safon uchel.

Cyfranodd chwant Angharad Kellett am wybodaeth at iddi gwblhau Prentisiaeth Sylfaen a Prentisiaeth mewn Gweinyddu Busnes 11 mis yn fuan.

Cafodd ei recriwtio fel cymhorthydd gweinyddol gan Grŵp Llandrillo Menai heb unrhyw brofiad gwaith blaenorol. Ers hynny, mae wedi dangos ei hyblygrwydd a’i pharodrwydd i ddysgu ac i fynd i’r afael â heriau newydd trwy ddarparu cefnogaeth yn yr MIS a’r timau archwilio.

Parhaodd ei thaith dysgu i gynnwys Prentisiaeth Uwch mewn Gweinyddu Busnes a Phroffesiynol ochr yn ochr â’i chymwysterau eraill.

Mae agwedd Angharad at waith wedi arwain at weithlu mwy effeithlon a gwell perfformiad. Erbyn hyn, mae’n dangos ei sgiliau arwain trwy gefnogi prentis gweinyddu newydd.