Gwobrau Dysgu Seiliedig ar Waith Gogledd Cymru 2025

Mae Maddison Goode wedi gwireddu ei breuddwyd o weithio gyda phlant, gyda swydd mewn ysgol gynradd wedi iddi gael ei chefnogi gan raglen Twf Swyddi Cymru Llywodraeth Cymru.

Ymunodd Maddison â’r rhaglen ym mis Hydref 2023, tra hefyd yn darparu cefnogaeth ychwanegol i’w theulu yn y cartref, a disgrifiwyd hi fel dysgwr distaw ond ardderchog. Oherwydd ei natur ofalgar a’i dymuniad i weithio gyda phlant, sicrhawyd lleoliad iddi yn Ysgol Porth y Felin, Conwy ar ddechrau 2024.

Gwnaeth cymaint o argraff yn yr ysgol o fewn y chwe mis cyntaf nes ei bod hi wedi cael rôl rhan-amser yn darparu gofal un i un i ddisgybl. Yn dilyn gwyliau’r haf, dechreuodd Maddison mewn swydd barhaol i gychwyn ar ei gyrfa.

Canmolodd diwtor Maddison ei diwydrwydd, ei phresenoldeb, a safon uchel ei gwaith a gynhaliodd er ei hymrwymiadau teuluol.

Mae rhaglen Twf Swyddi Cymru Llywodraeth Cymru wedi helpu Bailey Wynne i sicrhau swydd yn y diwydiant adeiladu yn Ngogledd Cymru wedi iddo greu argraff ar ei diwtoriaid gyda’i awydd i ddysgu.

Ymunodd â’r rhaglen yn mis Mai 2023, wedi iddo symud o gartref ac yn mynd drwy nifer o heriau personol. Wedi ei ddisgrifio gan ei diwtoriaid fel “cheeky chappy” y grŵp, roedd yn well gan Bailey waith ymarferol na gwaith papur ac roedd ei ffocws ar gael profiad ar safle adeiladu.

Symudodd ymlaen i haen Datblygiad y rhaglen i gwblhau ei gymhwyster Cyflogaeth, gan sicrhau lleoliad gyda chontractwr lleol yn gweithio ar draws Gogledd Cymru.

Pan ddaeth y lleoliad i ben, cafodd Bailey swydd ac mae’n dod yn ei flaen yn dda. Disgrifiai ei diwtor ef fel “gŵr ifanc ymroddgar iawn a gweithiwr caled”.

Mae Dan Brown wedi goresgyn heriau personol amrywiol i gyflawni ei nod o droi ei fywyd o gwmpas i wneud ei fab yn falch ohono.

Gyda chymorth gan raglen Twf Swyddi Cymru Llywodraeth Cymru, yr ymunodd ag ef ym mis Gorffennaf 2023, mae wedi sicrhau swydd mewn gwesty yn Llandudno.

Cefnogodd ei gyd-ddysgwyr ar y rhaglen i wthio eu hunain, gan fentora aelodau newydd. Symudodd ymlaen i haen Datblygiad y rhaglen, gan gwblhau cymhwyster Cyflogadwyedd Lefel 1 tra’n ymgeisio am swyddi yn Llandudno.

Gwobrwywyd ef am ei ymroddiad pan sicrhaodd swydd mewn gwesty, ac mae’n rhagori ynddi. Mae’n darparu ar gyfer ei fab erbyn hyn, sy’n tanlinellu ei gynnydd personol a phroffesiynol.

“Mae Dan wedi wynebu nifer o heriau yn ei fywyd, ond wedi brwydro ac wedi dod drwyddi yr ochr arall gyda chymhwyster a swydd,” yn ôl ei diwtor.